Diamars merdia na e crusada di Avenida Alo Tromp y Weststraat ta sosode un accidente unda un utv a yega subi e crusada dal den un van di carga cu tabata riba su caminda di preferencia. E impacto a haci cu e utv a bolter y dos turista a resulta levemente herida. Polisnan a yega di biaha na e sitio pa atende cu e accidente. Personal di ambulance a acudi na e sitio y a controla e turista. Despues a bolter e utv bek pone riba su cuatro wielnan.