Tecnologia
Facebook lo perde un parti di su usuarionan mas hoben den 2018. Mientras tanto, Snapchat y Instagram lo aumenta den nan registro di e grupo aki, segun un investigacion divulga diahuebs pa companianan di estudio di mercadeo eMarketer.
“Facebook ta perdiendo tur e usuarionan hoben, incluso na un ritmo mas grandi di loke nan a spera”, e compania a revela den un comunicado riba e tendencia di e compania cu ta wordo dirigo door di Mark Zuckerberg.
Pa prome biaha, menos di e mita di e Mericanonan di entre 12 y 17 aña lo haci uzo di e red social popular a trabes di cualkier dispositivo di al menos un biaha pa luna.
Den e sentido, eMarketer a enfatiza cu e compania di Mark Zuckerberg a logra para e tendencia cu e compra di Instagram, e otro red cu ta canalisando su perdidanan, pero ta Snapchat ta esun cu lo aumenta su influencia ariba e hobennan.
Facebook lo perde un total di dos miyon di usuario di edadnan di bou di 24 aña, segun e calculonan di e centro di e analisis.
Na mes momento, Instagram lo agrega 1.6 miyon di perfilnan nobo cu lo forma parti di e red aki y Snapchat 1,9; y Snapchat ta esun cu lo mantene su liderasgo relaciona cu Instagram entre e edadnan di 12 pa 24 aña.
“Incluso, Snapchat lo por experimenta mas crecemento den gruponan mas grandi, ya cu nan ta rediseñando e plataforma pa haci’e mas facil”, Debra Aho Williamson, analista di e centro, a señala.
Segun e estudio, Facebook lo sigui crece den e cantidad total di persona cu ta uza e plataforma, pero lo haci esaki por medio di e generacion mas grandi.
Den cifranan general, e cantidad di usuario di e portal lo yega 169.5 miyon, menos di un porciento mas cu 2017.
Di otro banda, Instagram lo sigui haya mas usuarionan Snapchat, cu 104.7 miyon y 86.5 miyon respectivamente, cual ta implica cu Facebook lo sigui reduci su porcion di e mercado di e rednan social, segun e comunicado.
Fuente: https://www.efe.com