Banco Central di Venezuela y e Superintendencia di Banco a ordena banco nacional cu nan mester stop operacionnan cu e franquicianan di Visa y Mastercard. Segun e informe, e medida lo bai na vigor dia 30 di November venidero pa e operacionnan di debito, y dia 30 di Januari 2020 pa pagonan cu credit card. E orden aki ta stipula hunto cu e resolucion di SIB-DSB-04714 y ta duna orden igual pa crea un sistema “soberano” cu ta cumpli e rol te na e momentonan aki cu Visa y Mastercard ta haciendo. Di otro banda, a duna orden tambe na e banconan pa promove e uso di servicionan di pago mobil interbancario di persona pa persona y di persona pa comercio.