CALIFORNIA, Merca- E cantante Mericano Usher a wordo demanda pa tres persona pa supuestamente a contagianan cu e malesa di herpes.
Un di e demandantenan a sigura cu e cantante tabata sa cu e tin e malesa y na momento di tene relacion cun’e, Usher a afirm’e cu el a haci examennan medico recientemente y cu e no ta sufri di ningun malesa. Debi na e declaracionnan di Usher di ta completamento saludabel, el a tene relacion sexual cun’e sin proteccion.
Sin embargo, e muhe a sigura cu despues di a tene relacion intimo cu e cantante, su salud a cuminsa bay atras, el a cuminsa haya keintura, dolor di cabes y lesionnan na su parti intimo.
Finalmente Usher a reconoce di tin e malesa y a mand’e un check di 3 mil dollar pa cubri e gastonan medico.
E muhe afecta no a keda contento y hunto cu otro dos fanatico, kendenan a sigura cu nan tambe a wordo contagia, a demanda e cantante. E caso a wordo presenta den Corte Superior di Los Angeles. E investigacion contra di e cantante lo mester determina si e cantante lo mester paga e suma cu e demandantenan ta pidi, cual ta di por lo menos 20 miyon dollar.
Fuente: http://www.ntn24america.com