Wiskunde, esaki ta loke e Mericano Jerry Selbee di 80 aña a usa pa bira multi miyonario ganando diferente loteria. Entre 2003 y 2011 el a gana 26 miyon Dollar despues cu a descubrir un error den e logica di e sistema. Jerry Selbee y su casa Marge a gana na Evart, un cuidad chikito di apenas 1900 habitante den e estado di Michigan. Nan a conose otro tempo di middlebaar school, nan a haya seis jiu y tabatin un minimarket durante 17 aña. Nan a baha cu pensioen y “nos kier a bai disfruta di bida”, asina Jerry a declara. Y e deseo aki a bira realidad. Na 2003 Jerry, un meneer di Wiskunde, a descubri un eror den e loteria di estado di Michigan. Analisando e numbernan y e sistema Jerry a saca afor cu si e hunga semper durante e simannan di “roll down” e ta bai gana. “Si mi hunga 1100 Dollar, mi tin e chens matematicamente mira riba un biaha saca cuater cifra sigur. Cu esaki mi lo gana 1000 Dollar. Y asina keda hunga cada biaha y gana cada biaha”, asina Jerry a declara. Despues el a cuminza hisa e suma cu e ta cumpra y cada biaha e tabata gana mas y mas. Un biaha el a hunga 8000 Dollar y el a gana 15.700 Dollar. Ora esey a pasa el a dicidi pa bisa su casa y asina nan a palabra con ta bai sigui hunga y sigui gana. Asina nan a institui compania y a atrae famia y amigonan cu kier a participa y e suma hunga tabata subi mas y mas. Despues di a gana hopi placa y a bira multi miyonario, tur cos a caba pasobra e loteria a stop di existi na 2005.