Cristiano Ronaldo y Portugal a keda pafo di e mundial despues di a cay venci contra di Uruguay, 2 -1 den e octavo di finalnan. Edison Canavi, di PSG tabata tin un tremendo actuacion: tur dos gol di e ekipo Charrua tabata di Canavi.
Den comienso, Portugal a purba di provecha pa purba habri e marcador. Bernardo Silva ta ricibi un centro den area y ta kop esaki, pero e bala ta pasa ariba di e palo di gol di e keeper Fernando Muslera.
E cuadro Luso ta purba cu’n tiro na un distancia di parti di Cristiano, pero esaki ta keda den man di Muslera. E Uruguayonan a responde na di 6’ ora cu Edison Cavani ta haci un hugada, cambiando pa Luis Suarez cu ta pase bek pa Cavani cu ta scop y asina ta habri e marcador 1-0. E Portuguesnan a busca reacciona y un y otro biaha a purba yega e cerca di Muslera, pero no por a pasa e muraya Suramericano, cu a forma for di medio campo caba.
Den tempo reglamentario di e prome mita, e cuadro Luso ta pusha e rival y a cuminsa genera hugadanan, ora cu na 55’ nan ta logra e empate cu’n tiro di skina cu na a cobra cortico y ta manda esaki pa e area, unda cu Pepe ta manda un cabesaso pa asina empata e partido.
Pero Uruguay ta responde di biaha na di 62’ cu’n gol di Cavani cu a ricibi e bala na banda drechi y den e area ta saca un tiro potente pa vence e keeper Rui Patricio cu no por a haci nada pa evita e di dos gol.
Den e di dos rond, e Uruguayonan lo tin un partido mas complica ya cu nan lo mester enfrenta e seleccion di Francia, cu den e octavo di final a laga Argentina na caminda, ganando nan 4-3.