E debate aki ta un oportunidad unico, pa trece nan mensahe dilanti. Manera nan a bin ta bisa caba, ya ta pa 31 aña e generacion cu nan ta representa a para na banda laga e partidonan tradicional goberna. Sr. Ursell Arends a amplia.
Ta pa e motibo aki, el a tuma e decision cu e no por sigui asina y laga esaki continua. Cu tur e gana di traha pa e isla aki, el a sali dilanti y asina diahuebs hunto cu su coleganan di partido, nan lo bini, uzando e plataforma aki informando pueblo. Tambe nan lo kier informa di e cambionan cu nan kier inculca den e pueblo di Aruba.
Nan ta un partido recien lanta, nan ta consciente cu nan ta un niche pero hunto cu e ayudo di e pueblo, hunto nan lo sigui planta e raiz pa asina hunto sigui crece. Unda e pais ta awe, ta pa falta di un lider. Falta di liderasgo, falta di bon gobernacion ta causa di nos problemanan social. Pa es motibo tambe, Sr. Arends ta skucha su coleganan cu otro.
Pero e generacion cu nan ta representa, cual ta millenials cu ta 20.282 voto, pa e proximo eleccion, ta basta. Nan no kier bay mas atras, nan kier e politica di hiba Aruba dilanti. Sigui wak patras no ta yuda na nada.
Diahuebs awo durante e debate, mustra e pueblo cu nan ta hendenan madura, cu nan ta politiconan cu vision, cu nan kier ta e diferencia di berdad, manera cu nan a bin ta informa e pueblo. No mas division, e pueblo ya ta sufriendo basta y ta ora pa tuma e poder bek, y tuma e isla aki, manera e mester ta, pa asina e pueblo ta den poder.
RAIZ no tey pa practica politica pa e pueblo, pero nan a bin paso nan ta pueblo practicando politica. Tur e problema cu nos ta bibando, nos mes a creanan. Si tur uni hunto, hunto lo por reserva e probleman tambe, segun Sr. Ursell Arends, lider di partido RAIZ.