Ursell Arends ta lider di partido RAIZ, durante eleccion parlamentario di 25 di juni ultimo su partido a logra un total di dos asiento den parlamento di Aruba. Hunto cu partido MEP a forma un coalicion cu ta conta cu sosten di 11 parlamentario, 9 di MEP y 2 di RAIZ.
Arends durante un encuentro a comenta cu, el a traha duro pa yega awe na un posicion di minister y mescos cu su demas coleganan, ta honor grandi pa e sirbi su pais como un mandatario. El a gradici tur su sostenedornan y su famia cu a sa di kere den dje. Arends lo fungi como minister di Integridad, Naturalesa y Cuido di nos Grandinan.