UPP a tuma nota cu diaberna awor, dia 9 di December lo tin un caso den corte aki na Aruba, unda cu trahadonan di Insel Air a manda e compania corte pa incumplimento di traspaso di placa di pension y tambe belasting pa mas cu dos aña.
Riba su mes esaki ta algo cu sigur ta ireprochabel, mirando cu si un compania bay failliet, e trahadonan no ta gedek completamente pa nan pension, mientras cu nan lo keda cu un debe na Departamento di Impuesto.
E caso aki ta bira mas tristo ora nos wak kende ta CEO di Insel Air na Aruba, esta sr. Frederick Nuboer. Hopi ta e companianan Arubiano y tambe hasta piscadonan, e homber chikito a wordo hiba hues pa falta di incumplimento cu belasting. E tempo ey sr. Nuboer, aliado di AVP tabata esun cu ta hiba e hende corte, como trahado di belastingdienst den pasado. E tabata den pasado fiscalista y ta bay corte pa belastingdienst contra esnan cu no a paga of a paga belasting di menos.
Unda FIOD di Aruba ta awor aki? Dicon awor si belastingdienst y Gobierno no ta tuma un paso contra e compania cu sr. Nuboer ta su CEO? Kico Minister Bermudez tin regla cune pa e compania aki? Acaso tin hende den belastingdienst cu tin man teni riba su cabes? Dicon aki si no ta haci inval na su oficina, manera si cu a sosode cu otro den pasado?
Mas tristo ta ainda cu e mesun meneer aki awor ta voorzitter a.i. di Contraloria General (Algemene Rekenkamer) di Aruba. E ta e hefe maximo na e momentonan aki. Un persona mester juist toest e rechtmatigheid y doelmatigheid di gobernacion, particularmente loke ta e entrada y salida. Te na unda Parlamento y minister por permiti esaki? Esaki sigur no ta cuadra cu henter e aspect di Good Governance cu UPP semper a bin ta papia di dje.