Update cu nos a ricibi ta bisa cu e sospechoso ta deteni, kende su inicialnan ta A.D., y esaki a wordo gara djis net prome cu e kier a subi un boto y huy. Manera nos a informa un rato pasa, tabata sospecha cu e homber aki lo a huy bai cu boto, pero no tabat’asina. Informacion cu nos a ricibi ta bisa cu e homber, cu ta e sospechoso principal den e caso di asesinato aki, a wordo gara dor di Team di Arresto di Polis na San Nicolas mes. Hasta e auto cu e sospechoso a usa pa huy for di e sitio di e crimen a wordo haya na Zeewijk, cu ta un KIA Rio color blanco y esaki a wordo tuma den beslag. Pues awo e homber aki ta den man di Polis y lo mester papia tur cos p’asina investigadonan por haya sa kico a sosode cu awemainta un señora no ta na bida mas y dos jiu a keda sin nan mama.