Aki ta sigui un update pa loke ta 8’or di anochi referente na e disturbio cu a bira tormenta Tropical “Bret”, cu ta moviendo west noordwest riba un velocidad di 40 kilometer pa ora.
Efectonan riba condicionnan local
Durante e pase riba e isla, diamars anochi, e biendo lo ta oost noordoost y lo aumenta di entre 22 pa 27 nudo, lo haya forsa di 28 pa 33 nudo. Durante diaranson mainta, e biento lo bolter pa zuid west, tambe cu forsa. Durante awasero, biento lo por varia y lo por bay te 40 nudo.
E cantidad di awasero por ta entre 10 y 25 milimeter posiblemente, pero e por ta un tiki mas entre diamars anochi pa diaranson mainta.
Autoridadnan local y comunidad ta wordo conseha pa sigui vigila e progreso di e sistema di tempo aki y tuma e medidanan necesario pa salvaguardia bida y propiedad.
Actualmente e centro di e tormenta tropical ta situa cerca di 9.5 noord y 60.5 west.
Actualmente e movecion ta west noordwest of 280 grado riba 25 nudo.
Proyeccion ta indica cu e ta drenta mar Caribe como un Tormenta Tropical, pero e lo disipa, pero toch ta keta mantene un tropical storm watch.