Pa loke ta e situacion di coriente na hermana isla di Corsow, nos a combersa cu algun amigo ayanan y ainda na e momentonan aki Corsow ta sin coriente ainda. Loke a sosode manera tur hende sa, den oranan di 10’or di mainta coriente a bai full Corsow debi na un candela den refineria Isla den e parti cu ta wordo yama “Cru” y esaki a afecta e suministo di coriente pa henter e isla. Te na e momentonan aki habitantenan di tur bario na Corsow ta sin coriente y e situacion ta birando bastante fastioso mirando cu anochi a sera y ta basta ora caba cu ta sin suministro di coriente. Nos a compronde cu algun bario a logra haya pero e suministro a cay bek y Corsow ta keto bay “sucu sucu” manera nan ta bisa ayanan. Tambe e habitantenan a wordo avisa pa saca tur aparato electronico for di den plug pasobra ora e coriente bini e por causa daño na esakinan. Pues nos rumanan na Corsow ta bayendo ya caba pa casi 10 ora sigui sin coriente debi na un situacion di candela cu a keda registra den refineria Isla pa ser exacto den e luga cu yama “Cru”. Ta wordo avisa cu for di e momentonan aki, kizas aki 2 pa 3 ora mas e situacion por normaliza pero no tin confirmacion y tambe siguransa di esaki tampoco.