E siman aki na Universidad di Aruba, a caba di otorga e di 250 doctorado bul, un bul di Maestro LLM, den Ley. Y tin hopi hende den e mundo di abogado y hurista pa cual keto bay universidad di Aruba ta keda duna estudio di esaki pa cual den un entrevista cu directeur di UNA Sr. Glenn Thode ta splica e pensamento di UNA.
Ya caba tin centenares di hurista na Aruba y ya caba ta trahando den mundo di abogacia. Aruba ta desaroyando y tur comunidad cu ta modernisa, y relacionnan den un comunidad asina poco poco ta bira huridico. No solamente un hurista tin necesidad di haci e trabao di abogado, pero toch si bo traha den un compania den relacionnan cu e compania, Compra y Venta, relacion di trabao, tur esakinan bo por bisa ta rekeri toch mas y mas, conocemento huridico pa bo cumpli cu tur e derechonan y tur e diferente rekisitonan awendia pa Derecho pa bo haci e trabao aki bon.
Ainda na Aruba tin perspectiva pa huristanan cu mester studia, pero no mester amplia mucho mas e cantidad di hende, cu ta deliver den mercado laboral. Aworaki, segun Sr. Thode, mas o menos tin un cantidad di 10 studiante cu ta termina nan estudio di ley pa aña y si wak’e bon, en todo caso, cu ta cumpli 30 aña otro aña y a caba di deliver e di 250. Ta despues di 5 aña cu Universidad a habri, nan a caba di studia. E promedio ta un 10 ney pa aña. Esey ta stabilisa caba pa hopi aña. Y mirando e desaroyo na Aruba, lo mester di esaki ainda na Aruba, ya cu hopi biaha ainda ta busca abogado di afo.
Nos ta haya huristanan cu ta drenta trabao na Corte cu ta bin di afo, ta haya cu den e tipo di trabao, pafo di e sistema legal, dus abogacia, Corte of Ministerio Publico of toch tambe p’afo mester ti hurista, hopi biaha ta importa hende di afo. Dus ainda tin perspectiva di hende local tambe pa e profesion aki.
Pero no obstante, toch ta haya comunidad ta sigui desaroya y manera cu comunidad di Aruba ta desaroyando, si bo wak’e bon, nos ta bay ta modernisa como comunidad. Y den e modernisacion aki, ta wak cu hopi di e actividadnan cu nos tin den nos comunidad y den diferente sectornan ta bay modernisando tambe y un di nan ta tecnologia. Mas ta drenta den e sistema automatisa, computer, etc. Bo ta haya p.e., cu e red di electricidad ta bira un smart grid. Poco poco bo ta haya un mix di energia alternativa y banda di esey bo ta haya e companianan manera e hotelnan y companianan grandi, y gobierno mester modernisa e procesonan. Loke Universidad ta haciendo ta, ta cu nan ta preparando nan mes pa esey rond di e disciplinanan stem, cual ta Ciencia, Tecnologia, Ingenieria y Matematica. Universidad a establece basta aña pasa caba Matematica, pero a cera un acuerdo di colabarcion cu KU Leuven di Belgica pa establece e tipo di disciplinana na Universidad di Aruba pa asina poco poco
Educa nos hendennan local den e direccion caminda cu ta wak cu tin necesidad, dus pa tecnologia mas moderno.
Segun Sr. Thode, semper e ingeniero y esunnan cu ta traha na Aruba ta bay studia afo, pero esunnan cu tin nan diploma na Aruba nan lo mester modernisa nan conocemento. E sistemanan aki lo ta bon pa trece e educacion na nan, enbes di spera cu tur ta bay afo pa siña e modernisacion aki di nobo, segun Sr. Glenn Thode.