Ta un placer pa Universidad di Aruba anuncia e tan spera evento di Open House, un experiencia unico y atractivo diseña pa inspira y guia e futuro studiantenan riba nan biahe educativo. Marca 3 di april riba bo kalender, ya cu nos lo habri nos portanan pa comunidad y nos lo demostra e poder transformado di educacion superior.
Mientras Aruba cada dos aña a organisa y tabata anfitrion di e feria universitario, nos a realisa cu buskeda di educacion superior ta un tarea cu ta dura henter aña. Den colaboracion cu diferente scol y entidad, nos ta sigui e aña aki un enfoke nobo. Na luga di un sesion informativo tradicional, nos ta invita bo na un Open House extenso, unda cu lo bo siña di nos diverso programanan di bachelor y MBA y lo bo experiencia e posibilidanan vibrante cu ta warda bo.
No ta trata solamente di foyeto y presentacion; ta trata di conecta cu bo futuro. Prepara bo pa intercambia cu stand unico ekipa cu nos studiantenan, kendenan lo comparti nan experiencia na universidad, bo lo cera conoci cu representantenan di Departamento di Educacion (beca), Xavier University (bachelor den enfermeria), IPA (Colegio di Maestro) y varios otro oganisacion valioso. Nos ta comprometi na brinda un vision holistico di e oportunidadnan educativo y profesional, permitiendo bo alinea bo estudionan cu bo meta y aspiracionnan. E aña aki nos ta pone enfasis riba experiencia. Nos ta creando un ambiente interactivo unda bo por explora posibel ruta laboral y descubri e programanan di estudio cu ta fit cu bo personalidad. Y como cu nos ta compronde cu nabega door di e mundo di educacion superior por ta abrumador, ta un placer pa presenta nos informacion personalisa online y e proximo StudyLink, un herment facil pa uza pa yuda bo explora tur loke Universidad di Aruba tin pa ofrece.
Universidad di Aruba a pasa den un transformacion significante. Nos a amplia nos edificionan, nos a enrikece nos personal y modernisa nos recursonan online, creando un espacio di aprenizahe berdaderamente contemporaneo y inspirado. Bin experiencia e diferencia! Nos a inverti den creacion di un universidad moderno unda e studiantenan ta central y nos kier comparti esaki cu bo. Join nos y nos centro colaborativo di conocemento diverso.
Nos ta tene algun sorpresa secreto, pero kere nos e Open House aki ta surpasa tur otro. Trece boso amigo- famia- y bisiñanan; nan tur ta invita pa join nos riba e biahe educativo emocionante aki.
Experiencia e Futuro di Educacion:
• Explora Programa Diverso: Conoce nos programanan amplio di bachelor y MBA.
• Conecta cu Expertonan: Intercambia cu representantenan di Departamento di Enseñansa, Universidad Xavier, IPA, y otro organisacion clave.
• Descubri Trayecto Profesional: Explora oportunidad di trabou potencial y alinea bo estudionan cu bo metanan.
• Experiencia Nos Campus Moderno: Tur nos facilidadnan nobo renoba y descubri e ambiente vibrante di universidad.
• Nabega cu StudyLink: Siña tocante nos recursonan online personalisa y e StudyLink den desaroyo.
Nos ta invita bo pa explora un espacio colaborativo caminda informacion diverso ta bini huntu. No perde e oportunidad aki pa descubri bo potencial! Join nos na Open House di Universidad di Aruba dia 3 di April. Prepara pa bo wordu inspira y dal e prome paso pa bo futuro.
- Latest
