Universidad di Aruba ta preocupa y kier pa bin cu un solucion cu e edificio bieu di Colegio Frere Bonifacius. Esaki ta segun Patrick Arends.
E ta sigui splica cu den pasado a papia cu Bisdom direct y cu su subsidiario riba e isla. Y a bisa cu pa nan ta hopi importante cu e tereno wordo uza pa educacion. Nan sa cu Universidad kier pa uza e tereno, pero e edificio riba e tereno ta di SKOA mes y SKOA a splica Universidad cu nan no ta willing pa otorga e edificio ainda. E no ta uzabel mas pasobra e ta bandona pa basta tempo caba.
For di e tempo ey e tabata den mal estado y awor aki e ta na werki, segun Arends. SKOA kier uza e edificio como un tradeoff pa Gobierno pa haci’e un scol nobo den e area aki. Te awor tur e muchanan a wordo poni den diferente scol y no tin mester di un scol nobo segun Gobierno. Tin un impasse awor aki. SKOA ta bisa cu nan kier bin un scol nobo. Gobierno ta bisa cu no ta necesario. Nan no ta dispuesto pa give up e scol. For di momento cu a bandona e luga, e adictonan ambulante a drenta aden di biaha y como Universidad ta haya hopi problema cu e personanan aki. Nan a drenta riba tereno di Universidad. Nan a horta un computer for di un aula. Nan a horta mas cos, entre otro stoel, mesa, tur cos cu nan por busca anochi y tin camara, tin security, pero toch nan ta drenta.
A papia cu SKOA un biaha riba esaki y a puntra cu si por yuda nan pa cera e luga, e porta pafo y un di e empleadonan di e departamento di facilidad, a bin cu su ekipo di welder y a cera e porta. Pero toch a drenta. A bay wak varios biaha cu tin hopi cos sushi den e localnan bieu. Nan ta biba den dje, nan ta haci nan cosnan vies den nan y nan ta cende candela den nan. E ta peligroso no solamente pa Universidad, pero pa La Salle College cu ta mas cerca di e edificionan y ta un peliger hopi grandi pa nan tambe. A papia cu e polis di bario varios biaha y a manda un paar di biaha specialistanan kico por haci. Pero pa Universidad, esaki ta algo cu Gobierno, polis, mester step in y wak e edificio manera e ta, no ta bay mehora. Pa asina tuma un decision of ta bay duna e tereno na Universidad y ta take care di esaki of nan ta bay haci algo otro. E ta keda un problema awor aki. Nan ta kita e adictonan un dia, pero e siguiente dia nan ta bek.