Sr. John Wardlaw di Universidad di Aruba a splica con e proceso di encuesta aki a bay y kico ta e resultadonan.
E industria di F& B na Aruba ta hopi importante pa Aruba. E ta industria cu mas placa ta trece pa Aruba, despues di e camber mes. Si bo ta wak na e industria di restaurant na Aruba, su diversidad lo mester puntra si Aruba ta cumpli cu e demanda di e bishitante.
Hunto cu ATIA y Universidad di South Carolina, ta wak riba e encuesta di calidad. E bishitante ta rate con cierto elemento ta importante pa e bishitante. P.e., parkeo, autenticidad di musica, si e bañonan ta limpi. Ta wak riba diferente area, un total di 41 punto a wordo encuesta. Esey ta basicamente, kico e bishitante ta busca ora di bay un restaurant.
Nos sa kico un bishitante ta busca ora di bay un restaurant, pero loke mester sa, si e restaurant ta cumpli cu e rekisitonan cu e turista ta busca. Aruba a score hopi bon den e encuestanan. Pero esey no kiermen cu no por miho.
Semper mester busca con pa cumpli cu e deseo di e bishitante y na mes momento, hisa e ganashi. Awor mester wak con pa hinca e resultadonan di e encuesta , caminda restaurantnan lo por haci algun cambio chikito y otro nan algun otro cambionan.
Tambe mester tene cuenta, cu e generacion di awendia. E generacion mas nobo, ta busca mas den loke ta cuminda netamente crioyo. E generacion mas bieu, no ta worry cu esey. E bishitantenan aki ta repeat visitors, turistanan cu ta biniendo Aruba ya pa un tempo caba. Ora nan yega den un restaurant, hopi biaha nan ta wordo reconoci y esey ta pone nan sinti nan mes comodo, nan ta sinti nan mes na cas. Basicamente, por bisa cu cada generacion mester wordo acerca y mercadea na manera diferente.
En general, e encuesta a mustra cu Aruba ta hopi bon para den cierto areanan specifico. E bishitante ta busca balor pa su placa. Nan kier mas balor, pa loke nan ta paga. Ta wak tambe loke ta balor pa e bishitanan. Nan kier balor pa loke nan ta paga pe.
Inicialmente a focus ariba restaurantnan di un nivel mas halto, pero e idea ta pa haci esaki pa tur restaurant na Aruba, den e area turistico. Aunke ta papia aki di un estudio inicial, Sr. Wardlaw ta di opinion cu esaki ta un estudio riba un nivel mas grandi. E idea di e conferencia, ta pa trece e resultadonan di e encuesta na e restaurantnan riba e isla. E beneficio di kico esaki por trece pa e restaurantnan.
Ideal lo tabata pa un staff di ATIA bin y haci pregunta na e bishitante, pero esaki lo ta tiki inconfortabel. P’esey e encuesta ta wordo haci na final di e anochi, ya cu e turista ta wak e baymento di restaurant como un forma di relaha. Ta pa e motibo aki tambe, cu ta traha a base di encuesta na final di e anochi. Algun restaurant ta un tiki incomodo cu esaki, ya cu nan no kier pa nan bishitante sinti nan mes incomodo of sinti nan mes intimida.
Pero mirando e resultadonan ta positivo, y esey kisas lo por kita poco di e incomodidad di e doñonan di e restaurantnan.
