Diaranson, 28 di februari, cuminsando pa 7’or di anochi te cu 9’or, lo bay tin un charla riba e tema: Mucha den sclavitud: perspectiva historico y contemporaneo y educativo, presenta pa
Vanessa Paulina, Peter van der Berg, Jeannette Richardson-Baars y Luc Alofs.
Esaki ta pa conmemora historia di sclavitud ta crucial pa promove comprension, empatia y consciencia y pa atrae atencion riba e retonan actual contra e formanan contemporaneo di sclavitud, racismo institucional y desigualdad.
Na 2023 y 2024, a refleha riba abolicion di sclavitud den Reino Hulandes; sinembargo, na 2023, nos ta testigo ainda di contrabanda y trata di hende. E meta di Universidad di Aruba y e Centro di Coordinacion riba Trafico di Persona y Trafico ilicito di Migrante di Aruba (CMMA) ta pa trata e tema aki y otro relacion a traves di un serie di conferencia cu ta trata sclavitud pasa y contemporaneo for di diferente perspectiva y disciplina.
N’e di dos conferencia publico, nos a enfoca riba e muchanan den sclavitud y e sistema educativo di Aruba.
Basa riba e novela educativo p’e hobennan, e artista Vanessa Paulina ta comparti e historia di Virginia como un mucha victima di sclavitud na Aruba. Di dos, dr. Peter van der Bergh lo splica den detaye e reglanan legal riba e trato di muchanan sclavisa bou di dominio colonial. Luc Alofs ta presenta un bista general di sclavitud colonial. den e curiculo di scol di Aruba. Finalmente Jeannette Richardson-Baars lo presenta e rol di educacion den e lucha contra trafico di hende y trafico ilegal di migrante.