NANTONG, China – Un universidad na China a cuminsa bende testnan di diagnostico di e virus HIV – causante di AIDS – den mashinnan di bende (vending machines) riba e campus, hunto cu bebida y snacks, loke a habri cierto polemica riba rednan social di e pais.
E iniativa, promovi pa e Asociacion Chines pa e Prevencion di HIV y Enfermedadnan di Transmision Sexual, a pone den marcha na e Universidad Petrolero di Suroeste, den e ciudad di Nantong (provincia central di Sichuan).
Desde cu a difundi riba e paginanan web como Weibo (ekivalente Chines na Twitter), imagennan di e mashinnan aki, a medida cu el a converto den un di e asuntonan mas discuti di e ultimo dianan riba e red Chines, unda cu no solamente a sorprende e modelo di benta sino tambe e prijs abao di e testnan aki.
Den e mashinnan di e universidad Sichuanes, e pruebanan ta wordo bendi den mas of menos 30 yuan (mas of menos 4 euro, of $4,40 dollar) 10 biaha menos cu e prijs original, pa loke algun comentarista a expresa nan temor cu e studiantenan ta adkiri e testnan den masa pa rebende nan riba internet.
E criticonan cu e iniciativa a subraya cu esaki no ta e forma mas adecuado di promove e prevencion.
“Ki uzo esaki tin? Ta miho recudi e riesgo di contrae HIV ciendo cuidadoso cu relacionnan sexual,” un comentarista riba Weibo a bisa, aunke otronan a defende cu tur ta siribi pa scapa di e problema door di falta di concientisacion.
“HIV ta aumentanod na China debi cu tin un alto porcentahe di portadornan di e virus cu no sa cu nan tin’e y di e forma ey no ta ricibi tratamento na tempo. Tin cierto berguensa y rechaso social,” otro comentarista a subraya pa defende e benta di e test den luganan asina poco ortodoxo.
E ponemento di e pruebanan aki di HIV den mashinnan di bende, ta wordo realisa un luna despues cu un estudio publica riba medionan oficial Chines a adverti di e fuerte aumento di e casonan di infeccion di e virus, causante di AIDS entre studiantenan adolescente y hobennan, cu a converti den un grupo di riesgo.
Segun e programa Conhunto di Nacionnan Uni riba HIV y AIDS (ONUSIDA), na China tin por lo menos 500 mil persona cu e virus di AIDS y aunke e incidencia di HIV ta relativamente abao den un pais asina pobla, si ta preocupa ainda ta e falta di concientisacion entre gruponan di riesgo determina, manera drogadicto of hoben.
Fuente: NTN24