Diadomingo 24 juni 2018 a tuma luga den CDGT na Dakota e di dos wega di e gran final di Aruba su Futbol Division uno,entre United y Brazil Jrs cu ta luchando pa subi e Division Maximo di Aruba su Futbol esta Division di Honor.
Despues cu den nan prome compromiso tambe wega a termina den un empate na un gol pa banda.
Den e wega aki nos mester bisa cu ambos ekipo a bin pa bay cas cu e victoria, caminda cu den e prome 45 minuut nan di wega Brazil jrs tabata e ekipo cu a crea mas oportunidad caminda cu e keeper di United na diferente biaha a trece salbacion y por a tene su gol limpi, United aki aya a crea algun chens pero tabata e defensa di Brazil Jrs tabata bon posiciona caminda nan tabata rechasa e bala y kita tur peliger,
Den e di dos parti di wega Brazil Jrs ta sigui presiona pero no por a concretisa , den e minuut nan final United tabata den atake pero tabata e keeper cu a trece salbacion.
Wega ta termina sin anotacion y asina mester hunga un di tres wega pa asina wak ta cual ekipo lo hunga e proximo Campeonato den e Division mas halto di Aruba su Futbol 2018-2019.
Proximo wega lo ta Diamars 26 juni 2018 den CDGT pa 8 or pm.