MERCA – United Airlines realmente kier evita otro desaster di servicio pa cliente. Y pa haci nan aerolinea miho.
E empresa a bisa cu nan ta haciendo 10 cambio pa evita un repiticion di loke a sosode cu dr. David Dao, kende a wordo lastra di un vuelo pasobra e e transportista tabata tin mester di asientonan adicional pa e miembronan di tripulacion. E video di e incidente di dia 9 di April a bira rapidamente viral. Dr. Dao a sufri un conmocion celebral y a perde dos djente.
Unted lo a primiti’e un revision pa dia 30 di April di loke a sosode abordo di e vuelo 3411 y e cambionan pa reduci e posibel casonan aki pa cero.
“Nos revision ta demostra cu hopi cos a sali malo e dia ey, pero e titular tabata bon cla: nos politicanan ta interpone den nos balor y e procedimentonan ta interferi den haci lo corecto,” e predisente ehecutivo di United, Oscar Muñoz, a bisa den un comunicado.
United a reconoce cuater falta e dia aki.
Na prome luga, nan no mester a yama cu forsa di ley ora cu no tabata tin un tema di siguridad.
Na di dos luga, nan a faya den reasigna e tripulacion den un vuelo ya yena y aborda.
Na di tres luga, no a logra convence boluntariamente e pasaheronan cu un indemnisacion suficiente. Su agentenan no tabata tin autoridad pa ofrece mas of haya otro forma di hiba e pasaheronan na nan destino.
Por ultimo, United no a prepara su empleadonan pa situacionnan manera esun di dr. Dao.
Asina ta cu United a establece 10 cambio di politica y iniciativa pa reduci e impacto y mehora servicio di cliente. Algun ya a wordo implementa y otronan ya a wordo implimenta y otronan ta bay den marcha pronto.
Loke ta cambiando den United:
United no lo aplica e ley a menos cu tin un cuestion di siguridad; no lo yama polis simplemente pa cumpli cu nan propio politica.
No lo pidi e pasaheronan pa bandona nan asiento involuntariamente a menos cu tin un problema di siguridad.
United a aumenta e compensacion na 10 mil dollar pa un pasahero cu ta cede boluntariamente su asiento.
Ta creando un “ekipo di solucion pa cliente” pa yuda e tripulacion pa haya vuelo y haya alternativa pa desplasa pasahero.
E tripulantenan cu ta biaha mester reserva por lo menos 60 minuut prome cu salida.
United lo añadi un entrenamento anual nobo pa su agentenan “cu lo ekipa nan pa maneha e situacionnan mas dificil.” Esaki lo cuminsa na Augustus.
United lo puntra e pasaheronan durante e check-in automatisa of den su aplicacion si nan ta interesa den renuncia nan asiento a cambio di un compensacion.
Nan ta reduciendo e exceso di reserva pa e vuelonan di ultima orqa, manera e vuelo 3411, of vuelonan cu historicamente tabata tin poco pasahero cu ta cede voluntariamente nan asiento.
Uzando un aplicacion nobo, e asistentenan di vuelo y agentenan di porta por duna nan e miya of otro remuneracion “ora un problema sosode.”
E aerolinea lo cambia su politica di maletanan perdi. Si e ekipahe di un pasahero disparce, e aerolinea lo ta adoptando un politica di “no puntra”. United lo paga 1500 dollar pa malesa y nan contenido.
Fuente: CNN en Español