Union Sindical di Aruba, USA pa medio di esaki ta informa tur medio di comunicacion cu despues di a wordo informa di e intencion di Ministro di Labor pa trece cambio den e ley 1613x, a reuni y a evalua e intencion aki y ta dicidi di rechasa y desaproba e locual Ministro tin intencion di haci.
Adhunto tin e contesta di USA pa Ministro cu ta papia pa su mes.
Alabes tur sindicato cu ta forma USA ta haci un yamada na Pueblo Trahador pa keda alerta, pa si encaso Ministro insisti den su intencion pa haci cambio den e ley 1613x, pa Pueblo Trahado demostra cu nos no ta acepta esaki.
Ta considera e insistencia di gobierno pa ‘cueste lo que cueste’ pa logra dicho cambio ta significa un conflicto entre Gobierno y Sindicatonan cu ta formando USA. Nos ta haya cu e cambio aki cu Gobierno kier no ta uno necesario y tampoco aceptabel.