BRUSELAS, Belgica- E canciyernan di Union Europeo dialuna formalmente a adopta e sancionnan contra e responsabelnan di e represion y di e situacion politico na e Venezuela di Nicolas Maduro, segun un fuente Europeo a indica na AFP.
“Sancionnan riba Venezuela aproba”, segun e fuente a indica, sin duna nomber di e personanan sanciona. E lista di sancionnan lo wordo haci publico diamars den e publicacion den e diario oficial di UE.
E canciyer Spaño, Alfonso Dastis, a indica na su yegada na e reunion di ministernan di Relacionnan Exterior diauna na Bruselas. Bruselas nan ta considera e sancionnan como un “incentivo pa yuda e negociacionnan”. “Ta un decision cu por ta reversibel of suspendibel na momento cu constata cu tin avansenan den e negociacion, cos cu ta na e momentonan aki no ta e caso”, Dastits a agrega.
Preocupa pa e “deterioro”di democracia y di derechonan humano den e pais, UE na november caba a adopta un serie di medidanan, entrenan un embargo di arma y di material cu por wordo uza pa “represion interno”. Na e momento ey e Europeonan a dicidi di no impone sancionnan individual contra “responsabelnan di violacionnan grave di derechonan humano”y esunnan cu, cu nan accion ta “atenta di algun manera contra di e democracia of di Estado di Derecho na Venezuela”, sperando ariba e desaroyo di e acontecimentonan.
Ademas di Reverol, otro responsabelnan di e forsanan di siguridad ta forma parti di e prome lista di sancionnan individual di Union Europeo. Ariba e lista lo figura tambe e hefe di Servicio Bolivariano di Inteligencia Nacional (Sebin), Gustavo González y e ex comandante di e Guardia Nacional Bolivariana, Antonio Benavides. E lista ta completa cu Tibisay Lucena, presidente di e Conseho Nacional Electoral, y Maikel Moreno, presidente di e Tribunal Supremo, como tambe Tarek William Saab, kende a reemplaza fiscal general Luisa Ortega despues cu esaki a huy for di e pais, despues di a denucia persecucion politico.
Asina tambe e Bloke Europea ta suma su mes na Merca y Canada den e imposicion di sancionnan. Hasta e presidente Nicolas Maduro ta figura ariba e lista di Canada y Merca. E canciyer Venezolano, Jorge Arreaza a sigura cu e bloke ta actua como “subsidiario di e interesnan”di Merca.
Fuente:http://www.el-nacional.comUni