Union Civil Ta Un Cuestion Moralidad

Na 2016 Parlamento di Aruba a aproba union civil y a ofrece esaki na hende adulto incluso parehana di mesun sexo. E meta e tempo ey tabata pa evita cu matrimonio pa personanan di mesun sexo bin na votacion den Parlamento y pa cumpli cu veredicto di Corte Europeo den e asunto aki. E problema ta cu Parlamento a haci esaki sin consulta cu pueblo
Union civil no ta un tema di derecho igual sino uno di norma y balor. Si awe Parlamento aproba union civil pa esnan cu ta considera nan mes homosexual, anto mañan Parlamento no por keda sin aproba union civil entre tres pesona pa esnan cu considera nan mes bisexual. E argumento di igualdad ta habri un caha di pandora pa legalisa tur otro forma di preferencia sexual.
Un discusion civico y amplio den pueblo ta e miho forma pa atende cu e tema importante aki. Esaki lo duna garantia cu pueblo ta haya tur informacion necesario pa Parlamento por yega na un decision final. Ora cu gobierno tuma nota di opinion di pueblo den e asunto aki por presenta esaki na Parlamento pa vota riba dje. Esaki sigur lo rectifica loke a keda sin haci na 2016.

Comision di Pastornan,
Den representacion di Iglesianan Cristian di Aruba.

Comments

comments