Tecnologia
E multinacional Anglo-Hulandes, Unilever a menasa di retira su anuncionan di e plataforma digital manera Facebook y Google, si nan no compromete nan mes na combati noticianan falso como tambe lucha contra contenidonan negativo y cu ta crea division.
Medionan Mericano, y Britanico a haya un copia di e discurso cu e hefe di publicidad di Unilever, Keith Weed, lo duna den e conferencia Interactive Advertising Bureau. E conferencia aki ta tumando luga actualmente na Palm Dessert, California.
“Nos no por tin un ambiente unda cu nos consumidornan no ta confia den loke nan ta wak ‘online’, según e ehecutivo di Unilever, compania cu ta un di e anunciantenan mas grandi di mundo.
Weed ta referi concretamente na “noticianan falso, racismo, sexismo, teroristanan cu ta difundi mensahenan di odio y e contenido toxico dirigi na muchanan”, contenidonan cu ta aparece di manera frecuenta riba internet y cu a bira den un dolor di cabes pa Facebook y Google, e dos gigantenan di publicidad online.
“Esaki no ta algo cu por wordo laga un banda y ignora”, Weed a bisa, “Nos no por sigui asocia nos mes cu’n cadena di suministro digital, cu ta entrega mas di un kwart di nos publicidad na nos consumidornan, cu tin biaha ta un poco mas miho cu’n pantano den materia di transparencia”.
Fuente: https://www.efe.com/
Unilever ta un multinacional specialisa den e fabricacion di productonan pa cas,higiena persona; y alimento. E ta conta cu un catalog di mas di 400 marca, entre cual ta destaca Lipton, Knorr, Dove, Axe, Hellmann’s y Omo.