Diasabra, 16 di September a tuma luga bautismo di uniform nobo R.C. Vettes na Stern Automotive Enterprises, agente exclusivo di e autonan Chevrolet.
Stern e aña aki a bira patrocinador oficial di R.C. Vettes y asina ta contribui na e deporte di softball veterano na Aruba. E nomber R.C. Vettes ta un combinacion di e palabra vets cu ta veterano y cu un twist deriva for di e afkorting di Corvette, esta Vette.
E team orguyosamente a estrena dos uniform nobis nobis cu ta luci e logo nobo unda cu a incorpora e emblema di e legendario Chevrolet Corvette den e diseño.
Presente na e ocasion aki tabata Directiva di R.C. Vettes Stern, hungadonan, famia, amigo y tambe e representantenan di Stern y madrina di team Sra. Mai Ping Cheong.
R.C. Vettes ta un softball team di hugadornan 60 plussers cu a wordo funda na comienso di e aña aki y ta forma parti di Liga Mayor di Softball di Aruba.
Directiva, hungadornan y fanatico di R.C. Vettes kier a gradici Stern y Chevrolet pa e confiansa y sosten cu nan a pone den e team ‘hoben’ aki.