Willemstad: Durante e periodo 12 te ku 22 di sèptèmber, e di 40 rotashon ‘Compagnie in de West (CidW)’ ku ta e unidat di Ehérsito, i ku temporalmente ta ubiká na un forma rotativo na Komando di Forsanan Naval den Region Karibe Hulandes, na Aruba, lo ta praktikando ehersisionan. Durante e ehersisionan aki nan lo move na diferente parti riba e isla. Esaki lo sosedé tantu na pia komo ku vehíkulonan di ehérsito. Nan lo ta aktivo desde Kazèrne di Marina na Savaneta i lo ser mira spesialmente na e parti Ost di e isla.
Meta di e ehersisionan aki ta pa siña konosé e pais ku su geografia i poblashon mas mihó, pero tambe pa trein táktikanan i téknikanan propio, bou di sirkunstanshanan klimatológiko pisa. E fasilidatnan ku Kazèrne di Marina tin i e áreanan enorme di naturalesa ta presta partikularmente bon pa esaki.
Parti di e ehersisionan ta entre otro ehersisionan di rekonosementu (midi kalibrashon di registro di un área òf opheto na un forma sekreto òf mantené esaki bou di opservashon), desaroyá mas ampliamente habilidatnan propio, i mehorá e estado físiko general. Ya komo CARMIL ta ehersé un programa di kapasitashon simultáneo, lo tin tambe koperashon i interkambio di konosementu. Esaki ta mehorá e vínkulo entre e dos unidatnan ku ta aktivo den Region Karibe.
CidW ta un batayon di forsanan di ehérsito ku kada kuater luna ta keda interkambiá pa un siguiente unidat. CidW 40 ta prosedente di Komando Operashonal di sosten di Pais, un di e kuater brigadanan di Forsanan di Ehérsito Real. E batayon aki ta reforsá ku entre otro miembronan diferente servisionan di ingenieria i servisionan médiko. Di e forma aki e batayon tin un diversidat amplio di spesialismo presente den Region Karibe. E unidat tambe ta keda desplegá pa brinda yudansa di emergensia òf despues di un solisitut di asistensha di parti di Gobièrnu Lokal. E unidat ta keda hibá i buská pa e barku di apoyo, Zr. Ms. Pelikaan. Ora di bai bek nan ta bai pa medio di transporte aéreo, ya komo e barku lo keda desplegá no un otro sitio, pa motibu di treinen pa orkan ‘Windward Express‘ riba Islanan Ariba.
