Loke cu Olinda Rasmijn di Stimaruba a mira cu tabata tres siman pasa tambe tabata riba Sero Teishi, pasobra Sero Teishi ainda nan no a caba di kibra. Nan a kibra eyriba te cu nan a kibra neishi di Teishi. E unico neishi di Teishi cu tabata tin na Aruba. E neishi aki, te hasta na Merca e hendenan tabata sigui’e, pasobra e bestia a haya renchi y nan a pone den su halanan un GPS, pa mira unda cu e ta bay. E ta un bestia conoci pa nan. Nan a kere cu ta na Venezuela e tabata bay. Luga ta despues nan a haya un mas miho, luga nan a wak cu ta na Aruba e tabata. E ora eynan tabata tin contacto cu e hendenan ey cual ta hopi bunita. A mira e neishi di Teishi. A tende tambe cu lo bay kibra eyriba. E prome cos cu nan a cuminsa haci tabata kibra tur cadushi y tur palo y ningun hende no a wak cu e neishi di teishi a wordo distrui. Den diferente biaha e parha a keda circula. Ta aki riba e ta bin. Na Aruba e ta bin frei cu e esunnan di Venezuela y ta na Aruba su neishi ta.
Rasmijn a splica cu nan no a wordo envolvi den e proyecto di Green Corridor. Awor aki den e proyecto di Watty Vos Boulevard tampoco nan no a wordo envolvi. Unico cos cu a pidi nan, pa skirbi tur rooi na Aruba. Actualmente tur rooi grandi tin nomber, pero no mas.
Mester tin hende experto cu ta traha na Santa Rosa y den Gobierno over di mata. Nan mester por ta experto pa nan bisa cu nan ta bay cambia e palonan, etc. Pero tin biaha Rasmijn tabata duda ora cu e ta tende un hende a comenta cu parce cu nan ta bay traha na Green Corridor, y nan ta bay pone palo di apelsina, y e hende den s soño ta mira cu mucha ta bay piki apelsina. Rasmijn a haya esaki poco straño. Tin hopi cos cu e ta haya ta straño. Den e mesun luga eynan a kibra tur Camari. Pakico ta yam’e parha, pasobra e tin beishi. Den e tayenan tambe tin beishi. Pesey ta haya blenchi, ta haya mofi, tur e parhanan di nos, manera te hasta Patrishi eytras, pasobra nan ta coy e beishinan. Pakico no ta pone beishi di Aruba. Tin cinco palo di beishi. Dicon no ta pone nan y siña nan come beishi, na luga cu ta pensa cu mucha ta bay coy apelsina, cu appel of ta kico, segun Rasmijn. Ban cu realidad, el a splica. Ban coy nos mesun matanan, nos matanan endemico. Ban planta nan. Nan ta haci e mesun trabao cu e apelsinanan, segun Olinda Rasmijn.