Appeltje van Oranje ta un premio cu ta ser otorga door di Oranje Fonds Anualmente den reino hulandes na tres proyecto cu a resalta, cu ta innovativo y exitoso riba tereno di bienestar y coherencia social. E tema di Appeltje van Oranje 2022 ta pa duna oportunidadnan igual na tur hoben, unda e hobennanan mes a tuma e iniciativa pa participa pa e mas desea “Appeltje”. E premio ta consisti di un certificado y un imagen di un apple chikito di brons cu a ser traha door di Reina Beatrix algun aña pasa y un suma di 25.000 euro, cual suma lo wordo entrega den luna di october door di su Alteza Reina Maxima, e Sra. patrona di Oranje Fonds, na Paleis Noordeinde (cada cinco aña e premio ta ser otorga door di Rey Willem-Alexannder).
E premio ta demostra e aprecio pa e trabounan y e empuhe di e organisacion tras di e Proyecto Ganado y alabes como hempel pa otronan pa nan tambe cuminsa cu proyectonan similar. Tin 7 organisacion cu a cualifica den Caribe Hulandes. Fundacion Centro Famia Piedra Plat ta e unico cu a ser nomina pa representa Aruba na e AvO, door di bay pitch y presenta e proyecto di FCFPP. Korsou tin 5 organisacion cu lo bay pitch y Bonaire 1 organisacion cu lo pitch pa AvO.
