Sr. Danies tin basta aña ta bringando pa husticia pa su yiunan, cu tabata victimanan di abuso sexual. Te cu awe, nada no a cambia manera cu e tabata kier. Y e caso lo bin dilanti dia 22 di november.
Sr. Danies a busca tur manera pa hala atencion pa su caso. E ta autor di e graffitinan, pinta tur caminda. Pero husticia no a haci nada pa su caso.
Nos sistema tin un problema cun’e. Su yiunan tin dos diferente psycholoog, uno cu e mes ta paga y e otro cu gobierno ta paga. Y tur dos rapport ta bisa mesun cos, cu e muchanan ta papiando berdad. Tin un buraco den nos sistema, y esey mester cuminsa traha cun’e. Sr. Danies a haya yudansa for di tur instancia di gobierno, eynan nan ta haci tur cos. Si nan a yud’e, pero unda cu tin e buraco, esaki mester wordo drecha.
Mas aleu, Sr. Danies a sigui bisa cu e tin dos diferente psycholoog y toch e mucha su palabra no ta valido den corte. E ta crea duda. E buki BOA, e autor ta un psycholoog y di tanto caso cu tabata wordo avisa di dje, pero sin haya resultado. A pesar di tur cos, Sr. Danies ta pensa cu e malhechor lo no haya e castigo cu e merece.
Tambe el a bisa cu el a haya un oferta di 50 mil florin pa asina e no sigui cu e caso, cual el a nenga. Segun Sr. Danies, husticia a ofrece e placa pa e laga e caso muri. Lo unico cu Sr. Danies kier ta husticia pa su yiunan.
Sr. Danies ta sinti cu e ta wordo discrimina pa su apariencia, y e ta wordo husga pa su pasado. Pero lo unico cu e kier ta husticia. E fiscal cu tabata trata su caso a bay Hulanda bek y awo full un otro fiscal lo trata su caso di su yiunan,
Por ultimo, Sr. Danies a bisa cu e no kier 6 luna di castigo. E kier pa e malhechor paga pa e daño haci. Su yiunan a keda den trauma, ya cu e ta sinti cu no tin husticia. Unico cu e ta pidi corte pa tene cuenta cu e mucha. Aruba ta cansa di tanto casonan di abuso sexual di mucha, segun sr. Danies.