Unicef a solicita awe 31 miyon di dollar na paisnan donante pa yuda famianan cu menornan afecta pa e virus di zika y pa programanan di mobilisacion social pa preveni e contagiona America Latina, EFE a informa.
Asina Manuel Fontaine, responsabel di e Programa di Emergencia di e entidad a splica den un rueda di pensa, caminda awe a presenta e Informe di Cooperacion anual di e organisacion y cu ta inclui un partida riba zika.
E papel di Unicef na Latino America relaciona cu zika ta concentra relaciona cu e muchanan cu a wordo afecta pa e enfermedad en general y mescos cu e trabao cu nos tin cu haci cu comunidadnan, Fontaine a sostene.
Ademas, e Fondo di Nacionnan Uni pa Infancia (Unicef), ta colabora cu e organismonan implica den e buskeda di un vacuna pa preveni e enfermedad.
Si nan logra haya tur e placa, e programanan tin como obhetivo beneficia 200 miyon di persona na America Latina y Caribe, aunke segun Fontaine a splica, ta studia e posibilidad di amplia e proyectonan aki na Africa – y specificamente Angola, pais considera den riesto- y por ta Asia.
Na December di 2015, mundo medico y cientifico a zona e alarmanan pa e aparicion di un brote di virus di zika noordoost di Brasil y simultaneamente, pa un aumento extraordinario di casonan di microcefalia y otro malformacionnan congenito den muchanan recien naci.
E expertonan di e Comite di Emergencia di e Organisacion Mundial di Salud (OMS) a dicidi dia 1 di Februari 2016, declara un emergencia sanitario di alcance internacional precisamente pa purba di splica e aumento repentino aki di desordennan neurologico, pero na November di e mesun aña a dicidi anul’e door di asumi cu e lo ta un problema di largo alcance.
Zika a afecta 75 pais den tres continente (America Latina, Africa, Asia) y e ta sigui expande eynan unda cu e vector (e sangura cu ta transimti’e) ta presente.
Mas di 2250 caso di microcefalia a wordo registra den 28 pais aunkedado e tendencia na e expansion ta spera cu ta informa di otronan nobo den 2017.
“Unicef ta anticipa cu Zika lo tin un impacto multidimensional y a largo plazo den mucha y famianan tanton a nivel social, economico y psicologico,” e yamamento di peticion di fondo ta specifica.
E virus ta wordo transmiti pa e sangura “Aedes Aegypti”, tambe transmisor di dengue, keintura geel y chikungunya, tur di e famia “flavivirus.”
Fuente: El Universal