Sr. Roderick Croes, director di Aduana ta splica con ta controla loke ta drenta y sali di Aruba.
Aduana su trabao ta controla e invoerrechten y accijnzen, y e vegentaken, cual ta siguridad, economia, medicina. Pero loke ta prohibi pa sali di Venezuela ta wordo declara (klaar in). Asina nan ta bira legal na Aruba.
Mirando cu no ta uza factura di Venezuela, sino cue tin un forfaiUnataire waarde (balor inclusivo) pa tur loke ta fruta, berdura, tur producto cu ta bin di Venezuela. Ora cu e drenta aki, e ta bira legal. Aduana ta haci su trabao conforme ley.
Cu e ta prohibi di sali for di Venezuela, e ta algo na nivel mas halto, lo mester wak con ta bay haci cu esey. Den caso di e situacion di Venezuela, ta algo cu ta regarda Reino, Directie Buitenlandse Betrekkingen, pero si a pidi Gazeta un lista di tur loke ta prohibi di sali di Venezuela. Basa ariba esaki, a sinta cu e Management Team di Aduana, pa asina wak kico ta e posibilidadnan pa duna un conseho, ariba cual Minister lo tuma un decision.
Mas aleu, Sr. Roderick Croes a bisa cu tin un Protocol firma pa wak kico asina por bay na nivel mas halto pero Aduana mester cumpli cu ley. E prohibicion di salida di Venezuela, si gobierno di Venezuela bay di acuerdo pa e productonan bin cu un certificado, e ora riba un nivel mas halto lo mester sinta pa nan demostra y yega na un acuerdo ken ta e instancia, cu lo mester duna e certificado y ki certificado e ta. Pa nan por tin un ehempel di e certificado, di color etc. Unabes cu nan tin e acuerdo ey cera, lo por laganan drenta, pero basta nan legal.
Si acaso e ta bay bira un algo cu tin placa den dje, e ora na opinion di Sr. Croes, e lo mester ta algo cu lo mester tene cuenta cun’e. Kustwacht ta parti di e grupo cu ta papia ariba e problematica aki. Cada un cu su mesun tarea lo bay wak con pa handle esaki. Naturalmente ta evalua y pensa, busca un solucion pa tur e posibilidadnan cu por bin cu cualkier cos cu por haci, sim ester prohibi nan di drenta y cu bin cambio, Duana lo mester bin cu cambio tambe.
Si acaso nan bin cu’n certificado y nan yega na un acuerdo, Aduana lo bay cumpli cu esaki, siguiendo leynan cu nan ta haya for di gobierno. Pero e casi aki ta riba nivel di Reino, y Aduana lo mester cumpli cu e reglanan cu ta bin di ariba, segun Sr. Roderick Croes, director di Aduana.