ALABAMA, Merca- Den e ultimo lunanan miles di persona a difundi un video atrabes di Facebook Messenger, mustrando con un desconoci tabata abusa sexualmente di un mucha chikito. Pero haciendo esaki, nan mes tabata cometiendo un delito.
Finalmente, e accion a duna resultado ora cu polisnan a detene e agresor Germaine Moore, di 44 aña di edad. Moore a entrega su mes na polis di Montgomery, Alabama y e ta wordo acusa di a abusa di tres mucha muhe chikito di e mesun famia. E menornan actualmente lo tin entre 9 cu 12 aña. E abusonan a tuma luga durante 6 aña, segun e medio local Montgomery Advertiser.
E detenido ta omo di e victimanan, cu tabata wak pa nan entre 2011 y 2017, mientras cu e mama ta traha. E abusonan a tuma luga na Alabama y Michigan y e autoridadnan di ambos estado ta trahando conhuntamente, compartiendo informacion.
Siman pasa, e organisacion CrimeStoppers a lansa un advertencia na publico riba e difusion di un video cu tabata mustra e abusonan sexual na un menor. Aunke nan ta reconoce cu e mayoria di e personanan a haci esaki cu bon intencion pa identifica e victima, y detene e agresor, mester corda cu e difusion di e tipo di e contenidonan aki ta un crimen.
E difusion di pornografia infantil ta un delito den casi tur pais, independientemente di e nacionalidad di esunnan involucra y unda e hechonan a tuma luga.
Fuente: https://actualidad.rt.com