Un grupo grandi yen di entusiasmo a participa den e di 14 caminata di e Santuario di Burico diasabra cu a pasa. Maske cu mayoria a bin pa cana, toch tawata tin varios coredo. Cada participante a ricibi un tas cu potret di burico riba dje y tambe un boter di awa na comienso di e caminata. Durante e ruta por a refill e botternan.
E caminata cu a cuminsa na e Santuario na Bringamosa, a pasa door di Franse Pas, Jan Flemming, Boton y bek pa Bringamosa. Un distancia di 5 km.
Buriconan Diva, Igor y Simba tambe a participa na e caminata.
Na final boluntarionan tawata kla cu fruta fresco, cortesia di Superfood, cu tur aña ta dunanos un man.
Mito Werleman, cu su di 14 participacion e aña aki, a cubri e distancia den 26.5 minuut. En berdad, el a laga tur atras!!!
Den segundo y tercer luga a bin Ivan Yarzaragay, Lemar, Patrick y Luis.
Den esunnan canando tawata tin mucha di varios edad y tambe un participante di 88 aña. Petje af pele!!!
Un danki ta bay na Superfood y na un y tur cu a haci nos di 14 caminata di Burico un success!!