Aki na Aruba, muchanan di 15 aña bay ariba mag di traha, pero nan no mag di haci trabaonan peligroso. Pero pa proteccion di salario minimo, bo mester tin 18 aña p’ariba. Sr. Franklin Kock, Director di Departamento di Labor, Sr. Franklin Kock, ta splica.
Un trahado na Aruba ta proteha pa sueldo minimo, mester tin minimo 18 aña. Ta bin acerca pa proteccion di sueldo minimo, e trahado mester traha mas di un tercera parti di horarionan cu ta full time den e compania, pa proteccion. Si un persona ta traha den un compania cu ta traha 45 ora pa siman, e trahado ta traha part- time, pa e por tin proteccion di sueldo minimo, segun ley ta prescribi, bo mester traha mas di 15 ora eyden, pa tin proteccion. No ta asina cu Ley di Sueldo Minimo ta proteha e trahado 100%. E persona ta traha den servicio di un hende, e mester tin un contrato laboral y 18 aña pa ariba, y traha mas di un tercera parti di e compania, como part time pa por gana sueldo minimo cu ta na 1711,15 florin pa luna. Hopi biaha, segun Sr. Kock, tin hopi keho di e pago pa trabaonan cu wordo haci, pero pa duna un bon opinion, e situacion mester wordo analisa.
Pa un compania tuma un persona den servicio, y e ta tum’ e pa un temporada, tin articulo 13X di nos Codigo Civil, cu un contrato asina mester ta preto ariba blanco. E no por bay verbal. E mester ta preto ariba blanco y e mester ta na cuater ocasion. Den sector hotelero ora di high season, e otro ta pa reemplaza un trahado fiho cu a bira malo, un otro ta un proyecto bon defini y un otro ta pa trabaonan los, cu no ta parti di e compania. Aki hopi biaha tin fayo, companianan ta tuma hende den servicio, sin pone preto riba blanco. Hpi biaha dunado di trabao, ora cu e trahado reclama, e ora mester sinta pensa kico pa haci con pa corigi esaki, pa termina e relacion toch.
PERIODO DI PRUEBA
Ley ta bisa, e ora no ta importante si bo firma un contrato pa un tempo defini of indefini. Si e contrato dura pa mas di dos luna, e ora por yega na e periodo di prueba. Ley ta exigi cu Periodo di Prueba mester ta preto ariba blanco. Si no pone preto ariba blanco, e no ta valido, e no por wordo termina. E periodo di prueba, ta maximo di dos luna, pero atrobe, e mester wordo poni preto ariba blanco. Si e compania tuma e trahado den servicio, sin avisa e trahado cu e ta pa un tempo. Acuerdo di periodo di prueba verbal no ta posibel, segun Sr. Franklin Kock, director di Departamento di Labor.