Diabierna a sali pa Orlando via Miami Tiger Taekwondo Club bou dirigencia di Coach Teo y demas coleganan. Un total di 9 atleta hopi bon prepara lo competi den e evento masha popular esta Orlando Open. Tiger Taekwondo ta hibando atletanan Infantil, Cadette, Junior y Adulto pues di mucha te na grandi pa competi den diferente categoria. Aruba por a mira Teo y miembronan di Tiger Taekwondo Club pa lunas nan largo para na diferente cruzada di caminda entreotro na Noord pa asina nan mes recauda suficiente fondo pa por a cubri tur nan gastonan envolvi. Lamentablemente for di instancianan concerni cu ta aporta na Deporte no a ricibi ningun contribucion. Teo a comenta cu pa casi 2 dia e no por a drumi pa por a volg e situacion di e horcan cual casi a kibra soño di tur e muchanan pero nan ta contento cu e tempo a coopera suficiente pa por a logra biaha diabierna y lo tey na tempo pa e evento. Teo hunto coaching staff y mayornan ta gradici henter e comunidad di Aruba cu a juda cubri 100% tur gasto. Tambe kier gradici nan sponsornan di henter aña. Exito na tur nos atletanan hoben di Aruba. Riba potret por aprecia muchanan contento momento a yega Miami en espera pa continua pa Orlando.