Diasabra ultimo a tuma lugar e interval training di Brazil Taekwondo Stichting den preparacion pa e di 9 Ultimate Taekwondo Cup 2017 y 18 atleta a presenta na training. For di esun di mas chikito di 5 aña te cu e junioren.
Training a cuminsa na e tennis court y a haci diferente facetnan pa despues core bay te na e santana di cacho. Na e santana di cacho a train y sigui core bay te na e final di e caminda. Eynan e training a bira un tiki mas duro pa sigui pa e ultimo facet di core bay y core subi Seroe Colorado. E suicide sprint tabata un di e facetnan cu mester a haci pa despues core bay bek te na e Tennis Court y training a sigui te cu 10′ or y mey pa despues baha tur hende bek na nan cas.
Diasabra awor training lo bay ta na Eagle Beach for di 8′ or di mainta bou guia di Master Carlos Hernandez.