Un tormenta solar lo yega su punto culminante diahuebs

Dia 16 di mei lo registra su punto mas halto, segun e Centro di prediccion di Clima Espacial di Merca.
Cientificonan di Merca y Europa a informa cu’n tormenta solar lo impacta contra nos planeta diaranson y diahuebs, aunke a pidi pa mantene calma ya cu no ta spera cu e tormenta lo por genera blackout of otro tipo di dañonan.
A traves di un comunicado, e Centro di Prediccion di Clima Espacial (SWPC) di Merca a informa di esaki, depsues cu dia 10 di mei e astronomonan a identifica tres eyeccion di masa coronal (CME) di solo, cu lo provoca e tormenta.
“Ta spera cu e dos prome eventonan di CME lo yega dia 15 di mei y ta anticipa cu e di tres CME lo yega dia 16 di mei”, según SWPC.
Pa esey, na Merca a activa un alerta menor (G1) cu ta na vigor dia 15 y 17 di mei, y un alerta modera (G2) pa dia 16, unda cu lo registra e pico den intensidad di e tormenta solar aki.
Di su banda, e Agencia Espacial Europeo (ESA) a emiti un comunicado confirmando e informacion di e cientificonan Mericano, y a pidi pa keda calmo, ya cu e campo electromagnetico di nos planeta lo actua como protector di e planeta, manera semper ta e caso.
A pesar di cu solo ta den su etapa menor di actividad, dia 10 di mei a sosode un colapso den e corona di solo, cual a expulsa den espacio e asina yama resplandor di Hyder. Esakinan ta saca particulanan cu’n carga magnetico intenso cu ta sali cu forsa den varios direccion y por boks contra di nos planeta.
Un tormenta solar no ta un suceso straño den nos constelacion estelar. Ora cu nan boks contra di Mundo, mayoria di biaha nos campo magnetico ta protege nos planeta ora cu e fungi como escudo y ta produci e asina yama ‘Northern Lights’.
Sin embargo, den cierto ocasionnan e por ta hopi fuerte y ta capaz di pasa door di e campo electro magnetico, dañando e sistemanan electrico y di radio di nos planeta, manera a sosode na 1859 ora cu’n tormenta solar a daña e red di telegram y mas recientemente na 1989 na Canada, ora cu el a genera un blackout di un dia na Quebec.
Cientificonan a señala cu den e ocasion aki, loke cu lo pasa ta cu lo wak ‘lusnan celestial’ den luganan poco comun. P.e., diaranson marduga a registra e lusnan celestial aki den ciudadnan manera New York.

Comments

comments