Diahuebs ultimo, Mundo tabata bou di influencia di un tormenta magnetico di nivel 3 (di 5) debi na e entrada na e planeta di un fluho di biento solar rapido. Esaki segun investigadonan di e Instituto Fisico Lebedev di e Academia di Ciencia di Rusia. E cientificonan ta basa nan aseveracion riba datonan obtenibel pa e satelite ACE (Advanced Composition Explorer).
Mundo a drenta den un coriente di biento solar rapido pa 6 or di mainta diaranson, ora cu e velocidad di biento solar a aumenta di 300-350 pa seconde, pa 500 km pa seconde. Varios hora despues, e velocidad a yega te na un maximo di 650- 700 km pa seconde, casi dobbel di e averahe. Actualmente e velocidad ta mantene su mes na e nivel aki.
E contacto cu e coriente a perturba e campo magnetico di e planeta. Segun cientificonan, na e momentonan aki Mundo ta experimentando e impacto di mas grandi. E academiconan ta pronostica cu nos planeta lo ta bou di un bombardeo intenso di e coriente un dia mas y cu su campo magnetico lo calma pa diabierna.
E tormentanan magnetico por tin efectonan fisico den e humanonan, cu bou su influencia lo por experimenta dolornan di cabes, nerviosismo, iritabilidad, cansancio of ansiedad.
Fuente: https://actualidad.rt.com/