QUEBEC, Canada- Un muhe Canades tabata den su derecho pa rechasa un transfusion di sanger basa ariba creencianan religioso, segun un hues a dicta.
Eloise Dupuis, di 27 aña di edad, a muri na Quebec na 2016 door cu su organonan a faya despues di un complicacion durante un cesaria.
Como un Testigo di Jehova, na mas di un ocasión el a bisa e staff di e hospital cu e no kier ricibi un transfusion.
El a hasta nenga di ricibi tratamento ora cu dokternan a bis’e cu sin e tratamento, e lo muri. El a muri un siman despues di a duna luz.
Hues di Quebec, Luc Malouin a publica su rapport e siman aki riba dos caso di fayecimento momento cu dos pashent ta nenga transfusion di sanger, basa ariba nan creencianan religioso.
Testigonan di Jehova ta di creencia cu bijbel ta prohibi pa ingeri sanger, incluso via un transfusion.
Bou di ley civil di Quebec, un adulto cu ta na su tino y na su sano huicio tin e derecho di of acepta of nenga tratamento medico.
E staff di hospital no tabata tin otro opcion cu respeta e deseo di nan pashent.
Un di e casonan tabata caminda cu un pashent a haya transfusion di sanger, despues di un rechaso inicial, despues di cu su casa, cu no ta Testigo di Jehova a autorisa tratamento, despues di cu su mayornan a interveni.
E hues no tabata por a determina si e retraso den duna sanger cual a hib’e eventualmente na su morto.
Fuente: http://www.bbc.com