LIMA, Peru – Pa 6’or y 34 di dialuna mainta, un fuerte teremoto di magnitud 6,2 a sacudi nort di Peru, e Instituto Geofisico di e pais a informa. E teremoto – di 18 kilometer di profundidad – tabata tin su epicenter na 43 kilomter oost di e ciudad di Mancora y a wordo sinti na e ciudad di Tumbes y Ecuador.
Di su parti, e Servicio Geologico di Merca (USGS), a informa di un teremoto di magnitud 5,6y a localisa su epicenter na 39 kilomter oost di e localidad di Papayal. Segun USGS, e movimiento telurico ta di 50,8 kilomter di profundidad.
“E teremoto tabata bon duro. E poblacion a sali riba caya. Tabata un tempo cotico pero bon fuerte. E cas tabata tembla,” un habitante di e ciudad di Tumber a relata na e emisora RPP Noticias.
Di momento, no ta informa di posibel victimanan ni di dañonan material, causa pa e teremoto.
Fuente: www.actualidad.rt.com