Internacional: Un tata di Maryland a fayece diasabra despues cu el a ricibi heridanan fatal mientras cu e tabata protehando su yiunan despues di un pelea grandi na scol. Christopher Michael Wright di 43 aña a topa cu 2 adulto y 3 hoben cu a aserca su cas na 19 di Mei den careda di 5or pm y a agredi Michael despues cu e no tabata kier nan combersa cu su yiunan.
E mucha homber di 14 aña tabata den un pelea na scol (Brooklyn Park Middle School) cu un otro hoben y na kier a continua cu e pelea aki despues di scol, pero Wright a bisa nan cu e no tabata di bay laganan bringa cu su yiu. Su casa Tracy Karopchinsky a splica un website di noticia cu a sospechosonan a bira nan atencion na Wright, bisando e si e no laga su yiu bringa, nan lo bringa cu ne mes.
Cuerpo Policial di Anne Arundal County a asisti na dos yamada di un agresion tumando luga y asina ta yega na e sitio un par di minuut despues di 5or pa asina topa cu Wright ya ricibiendo tratamento medico for di personalnan di cuerpo di bombero caba. Despues di esaki nan a bay cu urgencia direccion pa un centro local di trauma pa asina trata e heridanan cu tabata un menasa contra di su bida.
Wright no por a wanta e heridanan na su curpa y asina ta fayece 9:45pm Diasabra anochi. E rason di su morto tabata trauma na su celebro di e golpinan. Autoridadnan a splica cu nan ta tratando e sucedido aki como un homicidio y ta puntrando pueblo pa cualke informacion cu tin pa asina tuma contacto cu nan departamento.
