Dialuna UN a manda un alerta bisando cu diesun miyon di persona mester di yudansa humanitario den e liña divisorio di e riu Chad. Esaki ta e zona mas afecta pa e violencia di e grupo yihadista Boko Haram y a pidi cooperacion di comunidad internacional.
Tin un total di 7.1 miyon persona den e situacion alarmante aki di insiguridad alimentario, di cual mey miyon ta muchanan severo den e zona aki, cu ta consisti di e parti noord-oost di Nigeria y teritorionan di varios pais manera Chad, Niger y Cameroon.
Toby Lanzer, coordinado humanitario pa e region, akinan tin un tragedia horibel tumando luga, cu ultimo lunanan a conoce un leve mehoransa debi na e situacion di siguridad actual cu ta permiti agencianan internacional pa yega na zonanan cu prome no tabata tin acceso na nan.
E responsabel di UN a destaca e esfuerso cu gobierno Nigeriano ta haciendo pa atende cu e necesidad di e poblacion, pero a reitera cu niun pais no por resolve e problema aki, su so.
Organisacionnan humanitario ta calcula cu na 2017 lo mester di mas di mil miyon dollar pa yuda e poblacion di e zona aki.