Un solo persona, ‘superspreader’ na China, ta liga na 102 caso di contagio di Covid19

Un asina yama ‘superspreader’ di Covid19 kende a viaha rond China a wordo liga na
102 infeccion confirma, segun autoridadnan di China. E individuo aki tabata bende productonan di salud pa hendenan di edad grandi, el a viaha desde su hogar provencia di Heilongjiang te na Jilin province, treciendo e virus hunto cu ne.

Autoridadnan ta bisa cu el a sinta contagia tur hende rond di dje cu e virus sin cu e sa pa basta dia te cu el a wordo haya pa autoridadnan cu a confirma e tabata un contacto cerca di un caso confirma.

“E fenomeno di ‘superspreading’ a sosode den nos comunidad mastanto pasobra cu ora e persona a wordo descubri, e tabata ainda den e prome fasenan di su infecion y tabata tin e abilidad hopi grandi pa contagia otronan cu e virus,” Zhao Qinglong, un oficial di salubridad cu Jilin Provincial Disease Control & Prevention Center a splica.

Esaki ta sosode ora cu un individuo ta infecta un cantidad grandi di hende, pasobra nan tin un concentracion halto di e virus den nan droplets, of otro factornan manera comportacion y timing.

Fuente: CNN

Comments

comments