SYDNEY, Australia- Un grupo internacional di cientificonan a haya den e Milky Way un sistema estelar sin precedente den nos galaxia, segun un articulo publica dialuna den e revista Nature Astronomy.
Ta trata di un sistema di tres strea masivo Wolf-Rayet. Bautisa Apofis na honor di e a antiguo dios Egipcio, cu tabata tin e forma di un colbera y cu tabata den un lucha constante contra Ra, ta ubica na 8 mil aña lus leu for di Mundo. Dos di su curpanan estelar ta gira un rond di e otro y e colision di nan forsnana ta provoca e aparicion di un estelar di polvo cu su forma ta pone bo corda un embryo, imagen cu a duna nomber na e descubrimento. Cientificonan a logra midi e velocidad di e bientonan estelar y a determina cu e ta di 12 miyon km/h, cual ta representa 1% di e velocidad di luz, segun e portal Gizmodo.
Segun e autor principal di e estudio, Joseph Callingham, di e Instituto Hulandes di Radioastronomia (ASTRON), esaki ta e “prome sistema di e tipo aki cu ta wordo descubri den nos mesun galaxia”.
Esaki ta indica cu al menos un di e streanan cu ta forma parti di Apofis ta draai hopi lihe y por produci un explosion di rayonan gamma (GRB) di largo duracion, un di e mas potentenan den e universo. E explosion por dura solamente algun seconde, pero na mes momento lo emiti asina hopi energia cu e solo den henter su existencia.
E bon ta, cu e explosion lo no yega nos planeta, ya cu den caso contrario e lo destrui e capa di ozon den e atmosfera. Peter Tuthill, di e Universidad di Sídney, a precisa cu p’aworaki no ta conoci cual lo ta e futuro di dicho sistema y si e explosion di rayonan gamma aki lo por bira den algo menos potente di loke hopi te kere. “E sistema lo por reduci suficientemente su velocidad y asina explota manera un supernova normal, enbes di produci un explosion di rayonan gama”, ela agrega.