Un sistema di alarma ta salba bida di hende. Pero e problema ta cu hopi biaha mester trata na haci e publico mas consciente cu ta posibel. Sr. Jaime Donata ta splica.
Un smoke detector masha lihe ta detecta un candela y ta salba bida di hende. Tempo cu Sr. Donata, tempo cu e tabata traha na Brandweer a traha ariba un concepto cu a manda Parlamento pero cu ainda ta pega na Wetgeving, pa loke ta trata e parti di candela, den negoshinan. Esaki no tin actualmente. Tur locual ta wordo traha awendia ta basa ariba palabracion. Pero ta tempo pa traha algo y obliga hende pa pone cierto cosnann na nan cas.
E parti di seguro tambe mester bira mas activo na e parti aki. En general, mayoria di hotelnan ta sigura pafo di Aruba. Cu si nan haci nan hotel mas safe cu ta posibel, e premie ta baha. Aruba no conoce esaki y meter bira mas creativo den e parti aki. No solamente negoshi, pero cas tambe. Si un cas tin un smoke detector na cas, cu e premie por baha pa asina motiva e hendenan pa introduci e tipo di cosnan aki na cas.
Segun Sr. Donata, tempo e tabata Comandante el a laga stukkennan na Wetgeving, pa pasa na luganan comercial. Aruba tin solamente ley pa hotel, clubs, casino etc. Pero tur loke ta otro tipo di negoshi, ta bay a base di palabracion.