TOPA tabata tin un reunion cu Minister Otmar Oduber pa cu Parke Arikok. E mandatario a informa e sindicato cu e ta den deliberacion cu Parke Arikok. Sr. Rene Bernabela ta amplia.
E reunion cu e bestuur ta bayendo den un bon direccion, pero el a duna di conoce cu e ta wardando pa e siman binidero pa yega na un solucion cu e bestuur di Parke Arikok. E mandatario a pidi sindicato pa dun’e un siman mas cu e bestuur. Si sindicato a informa e mandatario cu e trahadonan ta sumamente disgusta, mirando e hecho cu di biaha pasa, nada a cambia. No a bin mehoracion ni cambio di parti di e bestuur di Parke Arikok.
Awo e minister ta bisa cu e dialogo cu e bestuur ta bayendo denn un bon direccion y ta wardando contesta ariba contesta di bestuur di Parke Arikok, pa cual sindicato ta duna e mandatario un siman mas. Despues di esey si no bin solucion, sindicato lo evalua kico ta bay ta e siguiente paso.
Pa loke ta e ultimo carta cu sindicato TOPA a manda pa e directiva, nan no a haya niun reaccion ariba esaki. Pereo nan ta carga pasenshi, minrado cu e minister ta deliberando cu e directiva, pa cual a pidi un siman mas. Pero den caso cu un siman pasa y no tin niun reaccion, TOPA lo tuma pasonan pa cu esaki.
Tin indicacion cu tur cos ta canando pa bay toch over na un fundacion, cual ta trece hopi preocupacion bou di e trahadonan. TOPA ta siguiendo esaki via di e trahadonan di Parke Arikok y TOPA ta solidario pa locual ta nan preocupacion na e momentonan aki. Pero di otro banda, sindicato TOPA a bisa e trahadonan miembro di TOPA pa duna gobierno y directiva di Parke Arikok e beneficio di duda. Nan a pidi un siman mas, cual TOPA ta otorga na nan, y despues di esaki nan lo wak kico ta bay ta e siguiente paso.
Segun Sr. Bernabela, gobierno semper tin e poder pa draai bek cualkier decision tuma, pero ta duna tanto directiva como gobierno e beneficio di duda.