Un shop steward di STA a tuma algun mal decision y a purba hiba algun miembro cu ne na un otro sindicato. Sindicato STA ta respeta nan decision, e unico cos cu Sindicato a purba di haci ta re educa e persona en cuestion y mustr’e cu su comportacion no ta acceptabel.
E peliger awo ta e personal di Guarda Nos Costa y e cantidad di ilegal cu ta deteni actualmente. Minister y gobierno tin ful atencion riba e problema aki pa yega na un solucion. Ta deber primordialmente di gobierno di Aruba conhuntamente cu management team pa wak cu tin un volle bezetting pa ora tin e celnan yen. No ta importa si mester bay paga overtime of si mester busca mas personal. E siguridad di e personal trahando mester pone na prome lugar y pesey Sindicato STA ta boga p’e.
Dentro di poco Sindicato STA lo tin un reunion cu Mnister di husticia pa atende cu e asunto di siguridad na pia di trabou.
A nombra un magagement team cu ta Sr. Icho Matos y Sra. Trudy Hassel y nan no a haya e situacion di mas facil cu por tin, no den Guarda Nos Costa, ni den Imigracion. Si tin situacion cu mester mehora Sindicato STA ta dialoga pa trece cambio. Ta lamentabel ora un grupo ta specula cu cierto informacion innecesariamente. Hopi biaha nos ta lubida di pone nos pais na prome lugar y nos ta pone nos mes na prome lugar.