Michelle de Groot, directora di ATIA ta splica riba desaroyonan di preocupacion pa cu e criminalidad na Aruba. E ta amplia mas ariba e tema aki.
Sra. de Groot a splica cu criminalidad ta keda un topico hopi importante pa comercio y p’esey nan a reuni cu e minister di Husticia. Pero tambe e impacto cu e criminalidad tin ariba nos economia. Minister Bikker tin algun plannan hopi concreto y algun di nan ta loke el a campaña cun’e, cual ta e dronenan pero tambe mirando e posibilidadnan di trece un unidad special cu lo houd su mes bezig cu e tipo di criminalidad aki, ya cu polis tin hopi trabao caba. Esey ta un di e plannan cu e tin.
Y loke ATIA a propone na gobierno y cual a wordo entrega na minister di Husticia, ta pa specialmente pa comercio, pa duna informacion con pa riba un base diario, pa ta consciente con pa ta mas sigur den bo negoshi. Tin un relacion directo cu comercio cu por bay cerca dje, pa conseho y informacion, di kico ta pasando, etc. Esey ta un di e proposicionnan cu ATIA a haci na gobierno. Te aworaki nan no a haya respuesta ariba esey, pero ta algo cu por tin un balor agrega pa comercio.
Awo cu banconan ta bayendo den direccion di e mundo digital, un di e problemanan ta di anda cu cash, segun Sra. Michelle de Groot, directora di ATIA.