BERLIN, Alemania- Un extenso red de prostitucion di refugiado gestiona pa agentenan di siguridad cu ta custodia e hogarnan special unda nan ta biba na Berlin a wordo descubri diamars pa prensa Aleman. Esaki a provoca un scandal den full e pais, uno mas cu tur e inmigrantenan a ricibi den full Europa.
E guardianan tabata incita e refugiadonan, particularmente menornan di edad, a acepta placa a cambio di mantene relacionnan sexual, según television publico Aleman ZDF.
E canal a haya e testimonio di inmigrantenan y agentenan di siguridad cu ta traha den un hogar pa refugiadonan na Wilmersdorf, den e parti zuidoost di Berlin, cu ta confirma e revelacionnan.
“Nan ta yamanos bisando ‘mi mester di un muhe’ of generalmente ‘homber’, particularmente hoben”, un agente a splica dilanti camara pero cu e cara haci wazig pa proteha su identidad. “Nan mester di tin cierto edad, nan mester ta bunita. Mientras mas hoben, mas caro”, el a agrega.
Segun su declaracionnan, e guardianan di siguridad, empleado di un compania contrata pa e ciudad di Berlin, ta cobra 20 euro intermediando entre e inmigrante y e cliente.
Mayoria di e hobennan afecta ta bin di Pakistan, Iran y Afganistan, tres di e principal nacionalidad entre e migrantenan cu ta yega Alemania, y den e ultimo aña a bin acerca refugiadonan Sirio y di Irak.
Pero e problema di refugiadonan cu ta recuri na prostitucion, frustra pa e dificultad di haya trabao den un pais cual idioma nan no conoce y pega den un limbo mientras cu nan ta spera di wordo reconoci como refugiadonan, no ta nada nobo na Alemania.
Na Tielgarten, un parke den curason di e capital Germano, a bira e centro di e fenomeno te na e punto cu alcalde Stephan von Dassel a anuncia programanan pa combati esaki, segun e corant cu sede na Berlin, Die Welt.
E falta di luga, promiscuidad, e dolor social, e dependencia na droga o f e placa cu nan mester manda nan famia cu a keda atras nan nan pais di origen. E motibonan pa prostitui nan mes ta hopi. Edadnan ta varia di entre 12 pa 40 aña.
Despues di e revelacion di ZDF, polis y Ministerio Publico ta investigando e situacion como un caso di prostitucion forsa.
Na 2015 varios caso di maltrato di solicitantenan di asilo den hogarnan di migrante a provoca un ola di indignacion na Alemania.
Ciudad di Berlin a wordo hopi critica na 2015 y 2016 pa e condicionnan deplorabel caminda e migrantenan a wordo ricibi, mientras cu nan tabata yegando pa miles, scapando di guera y pobreza durante e crisis migratorio. E refugionan a wordo construi unda cu tabata por. Incluso, e iconico aeropuerto Tempelhof, cu ya caba tabata cera, a bira un sede dunando alohamento na cientos di miles di persona.
Fuente: https://www.infobae.com/