Un pushi blanco den e Museo di Hermitage na Saint Petersburg a pronostica e victoria di Australia contra Cameroon diahuebs den e Copa di ‘Confederacion, despues di a rey e triunfo di Rusia contra New Zealand den e partido inaugural.
Achilles of Aquiles, un pushi blanco di wowo blauw, ta tuma asina e testigo di e competencia di e recordado pulpo Paul, cu a bira famoso door di su capacidad pa predici resultadonan durante e Mundial di Zuid Africa na 2010.
Diahuebs, Achilles a presenta dilanti hopi camara pa asina eligi entre e dos bakinan di cuminda, identifica cu banderanan di Cameroon y Australia, cu lo a enfrenta otro den e di dos ciudad Ruso.
Tras algun seconde di duda, e pushi a opta pa e aki Australiano, pero sin mishi cu e cuminda.
Diasabra ultimo el a eligi e recipiente di bandera Ruso. Despues e pais anfitrion a bati New Zealand 2-0.
E “oraculo oficial” di e Confederacionnan a wordo selecciona pa “su caracter hopi comunicativo y resistencia na stress,” Maria Khaltounene, encarga cu e pushinan di Hermitage, cu ta un institucion den e museo mas bishita na Rusia.
E imparcialidad di Achilles no por wordo cuestiona, Khaltounene a sigura, pasobra e ta sordo, un problema habitual den e pushinan blanco: “Pasobra ta imposibel captura su aencion mediante un zonido ora cu e ta escogiendo.”
Na 2010, e pulpo Paul a converti den e animal mas famoso di e planeta door di a predici cu exactitud tur e resultadonan di e seleccion Aleman, durante e Mundial di Zuidafrica 2010, mescos cu e victoria di Spaña na final.
Fuente: http://www.elnuevodiario.com.ni